आर'नाइ

दुखुनि खौरां

ःःःः
दुखुवा साग्लोबना दं
आंखौ सिमा गैयै
अख्रां बुंजासे;
आगोन्दो बिगोन्दो आरो
बिन्दो बिन्दो गोरबोनि गाबख्रावनाय
फुथिसारा नाथाय,
सोलेर आंनि थाइगिर बिखं खंबा
गुगालांदों थारला थारला।
अन्थाइ बायफ्लेना हा
हाजो लुंहेंना हायेन जानाय
आंनि बायग्लिनाय गोसो
मोनबो जुदा नङा;
गोरबो फुख्रिनि दै
गुबुंले जाबाय
बेयाव फामे बारै जाबाय
रंजालु हांसो फालो
गोजोमनो दुगैनो
फैयै जाबाय।
आंनि दुखुनि खफ'
हाहोनो हाया
सुखुनि जांख्रिसे अखा
गैया बेखायनो
गोरबोनि सोदोब बिहुंआव
सुखु होननाय सोदोब,
गोरबोआ जोखोम ओरैबायदि
फाहामनो हालिया जायखौ
मोनबो फाहामसालियाव।

* * * * * * *
By Manaj Narzary
   Gossaigaon