आर'नाय़नि फंनैसो:-
थांनाय़ 10-05-2013 खालि जोनोम मोननाय़ आर'नाइआ दानि समजों गोरोबनो हानाय़ बाइदि इ-सानलाइसि महरै सुबुंनि गेजेराव सिनाय़थि होबोदों। बर' रावआव बिबाइदि सानलाइसिनि गोनांथारखौ नुनानैनो बिनि जोनोम जादों। गासैबो सुबुंनि थाखाइ बर' रावआव खामानि मावनो थांखि लानानै बे इ-सानलाइसिआ आगान सुरदों। गोबां सानसुला आरो मावथिया बर' रावआव खामानि मावदोंब्लाबो बिनि माखासेआनो रावजोंबो मिथिजायाखै। गोबाङानो गावनि मावनायखौ सेबखांनानै मिथिसार होनो हायाखै मानोना बिफोराव जेब्लाबो गोबां रांआरी बाथ्रा फैयो। बे इ-सानलाइसिआ बिबाइदि गोबां मावथिनि थाखाय थारैनो साबछिन राहा जागोन। इ-सानलाइसिआ हादोदनि सिमायाव थाया, बुहुमनाङै बिखौ बइबो नुनो मोनगोन आरो बर' रावआरी गासैबो बिनि हेफाजाब लानो हागोन। आर्ट(सोलो), हारिमु आरो थुनलाइ़ बाइदिजोंल' लोब्बा गोनांआ बेआव जाइगा मोनगोन। बइबो नाजायोब्ला बे इ-सानलाइसिआ साबसिननिख्रुइ हामसिन महर लागोन होनना सानो।
आर'नायसिम हरनाय़ समाव मिथिनो गोनां:-
1, बेवहाय आर्ट हारिमु आरो थुनलाइनिल' जाइगा थागोन।
2, हारी, हादोत आरो धोरोमनि सीमाय़ाव थानाय़ नङा। बिनि गुबै रावआल' बर' जागोन।
3, गावनि गुबै सोर्जिनायखौसो हरनो हागोन। राव दानसालाइनानै लिरनायब्ला गुबै लिरगिरिनि मुंखौ रोखायै लिरना हरनांगोन।
4, हरनाय़ समाव जेब्लाबो गावनि सिनायथि, लाइजामनि थं आरो जानबुं नाम्बार लोगोआव हरनांगोन। गावनि फटोग्राफ हरब्ला मोजां जायो। माखौबा फोसावनो गोसो गैयाब्ला लिरना हरनांगोन।
5, लिरनायफोरा सुंद' जानाय़ा मोजां आरो रोखा रोखा फरायनो हानाय जानांगोन।
6, लिरनाय आरो हरनाया गावनि गोसोयै जानांगोन आरो "आर'नाइनि गेजेरजों फोस्रावनो थाखाय हरनाय जाबाय" होनना लिरना हरनांगोन।
7, लिरनायनि गेजेरनिफ्राय बबेबा बाहागोखौ सुजुगिरिया दानगारनो एबा गोनांखौ नाइनानै इसे लिरदेरनो हागोन।
8, जाइखि जाया लिरबिदां हरनायखौ हरफिननाय जानाय नङा। बिनिखाइनो लिरबिदांनि गिबि बाहागो एबा सेबखांनाय बाहागो लाखिनो थाखाइ खावलाइनाय जाबाय।
9, मिथिसार होनाय एबा होयैखौ थाल्ला सानफुंनाय एबा मावफुंनाया सुजुगिरिनि।
10, लेखायाव लितनायखौ फटोग्राफ, स्केन, PDF बाइदियै डिजिटेल महर होनाय जायखि जाया सुजुनायखौ सुजुगिरिनि इ-मेइलाव हरजागोन। इउनिक'ड बाहाइनानै MS Wordआव लिरनानै बि MS Word फाइलखौ हरब्ला साबसिन जायो मानोना बियाव गोरोन्थि जानाइनि लामा थाया।
11, सोरबा बर' रावजों लिरनो थाखाय देवनागरि हांखो बाहायनायाव गोब्राब मोनोब्ला असमीया एबा र'मान हांखोजों लिरना हरनो हागोन, बिखौ उनाव जों देवनागरि हांखोसिम सोलाइना लागोन।
12, गुबुननि लिरबिदां एबा सोर्जिनायखौ हरोब्ला हरग्रायानो दाइनि गिरि जानांगोन। गुबुननि लिरनाइखौ इ-मेइलजों हरनायाव नोंथाङा हेफाजाब होनो हागौ।
13, गोदान लिरगिरिखौ जों जेब्लाबो थुलुंगा होगोन।
Editor:- Nizara Ramchiary
Arrangement:- Kabita Swargiary
Art:- Sujit Das
Design:- Ansuma Swargiary
E-Mail-editor@aronai.com, aronaimagazine@gmail.com
|
|
