आर'नाइ

दावदैनि केक बानाइनि फै

मुश्रीमा कबिता स्बर्गीयारी

जों बांसिन समाव केकखौ बायनानैसो जायो। बायना जानाय केकफोरा गोबां सान जालांनाइ जानो हागौ आरो बिफोर जाथावनाइ नंगौना नङा साननो गोनां। बिदिब्ला फैदो गावनो केक बानायदोनि आरो दुंबुर केकखौ गाव जानायनि लोगोसे आलासि सोंदोनि।
20 खोन्दो केक मोनथावनाइ केक बानायनो थाखाइ मा मा नांगोनः-

मयदा एबा आता – छाह लोंनाय कापजों काप 3,  

रिफाइन थाव(राइस ब्रेना साबसिन)- 1.5 काप,

दावदै – दै 4(गोमो आरो गुफुर गासैखौबो),

सेनि - 1.5 काप(बांसिन गोदै जानोब्ला 2 काप),

इलाइसि(मोदोमनो थाखाइ) – मोन 2(गुन्दै),

बेकिं स'दा - सामुस 1 ।

गोजौआव होनाय गासैखौबो गंसे आइजेङाव ज’ खालामनानै आखाइजों मोजाङै सेरग्लिनांगौ। बिखौ केकनि पेस्त होनजाय़ो।
आइजें थियारिः- साबसिन केक मोननो थाखाइ जों 5 लिटार ज’खानि प्रेसार कुकार लानो हागौ। केक बानायनो थाखाइ प्रेसार कुकाराव हाबजानाइ गुबुन आइजें लानांगो। आइजेंखौ दै नांना थानो हाय़ै बाइदि जि गोरानजों हुगारनांगौ। आइजेंनि मोदोमाव सिथाबनो हाय़ै बाइदि भिथोरथिं रिफाइन थाव फोननांगौ। आइजेंनि थ’लायाव सिथाबनो हाय़ै बाइदि गुफुर लेखा बिलाइ ज’खानि हानानै फज’नांगौ।
दानिया केकनि पेस्तखौ आइजेङाव लुस्लाइनांगौ। आइजेंखौ कुकाराव थिसननांगौ। गोसोआव लाखिनो गोनांदि जेरावबो इसेबो दै बाहायनो नाङा।
कुकारनि धाखोन होनांगौ नाथाइ गोजौनि भेन्त प्लागखौ बख’ना दोननांगौ।
गेसनि अरखौ इसेसिन खालामनानै गोमोरहां ज’खानि फोजोंनानै कुकारखौ थाल्ला 1घण्टा-30 मिनिट अराव दोननांगौ।
गोसो होनो गोनांदि अ’रा इसेबो बारा जायोब्ला खामनो हागो। केकखौ मोनदोंना मोनाखै नाइनो गोसोब्ला मोनसे फिसा गनसाखौ केकनि गोथौसिम सुना नाइनो हागौ। गनसाखौ बख’ना नाइनाय़ाव गोरान नुय़ोब्ला मोनबाय़, नाथाइ गिसि नुय़ोब्ला दसे अराव दोनफिननो हागौ।
केक बानायनाइ खामानिखौ खेबसे खेबनै गुलाइ गुजाइ बाइदि मोनोब्लाबो उनाव बिय़ो जोबोत गोर्लै खामानि बुंजायो।