जोंनो गोजोन नांगौ
______________
दुब्रि बिलाइआ खारलिंदों
गोजा गाब गादों,
गोजोननि देंखोआ गोमालांबाय,
जायनि थाखाय थैयानो थै।
सानफ्रामबो गोथैनि बेगें,
नुना गोर्बोआ गाबखांदों आरो गिखांदों!
नुफा-माफा, खोनाफा-माफा राव होलांदों
जों सैथोमोन, खायसेया बुंलांदों-
गोरोन्थिया जोंनिनोमोन।
गोजोन गैया सानसे दिनै,
मेगनाव मोदै बोहैनाय;
बिजिरगिरि फै दिनै-
बेफोरखौ बिजिरनो,
जोंनो गोजोन नांगौ!
गोजोन राज्यो आरो हादर।
- - - * - - -
-बिदिन्द्र बसुमतारी
भाथ'पारा,पानबारी,बिजनी। |
|
 |
उदां नांगौ
_______
दावथु, दावस्रि, बाथ' बायदि दावखौ
हमना फानजारियाव जोबना दोननाय बादि
जोबना दोनदों जोंखौबो
आरोबावसो गांखंखौनो सिफायबावदों;
बेसेबांबा सिथारदों नायगार नायगार,
उन्दै-गेदेर बुलि जानांदों।
सोरनिबा फरायसा एबा जाम्बानि आखायाव
सिलाइ गथाइना फाव फान्दायना,
गावथारदों बुथारदों बर' फिसाखौ;
आरो नायगार नायगार जिनाहारि खालामदों
बर' आइजोफोरखौ।
जोंनि हायावनो जोंखौ गादबदों
सोबख'दों, नासयदोंसोबख'दों, नासयदों;
बेफोरनिफ्राय उदां मोननो जों जुजिदों,
जों जांख्रिखांदों उदांनि थाखाय,
जोंनो नांगौ जोंनिनो राज्योखौ।
जों बियाखै सोरनिबा दोहोन-दौलदखौ,
बे दोहोना जोंनिनोखा।
जों सहायनो हाया-
जोंनि सायाव खालामनाय
इनाय अनागारिखौ।
जोंनो उदां हो जोंनि हायाव,
उदांयै थानो हो जोनोम हादराव।
जोंहाबो दं राव-थुनलाइ, आसार-हारिमु।
जोंनो उदां गैयाब्ला सोंलु लुबैयो
जोंहा थांना थानायनि मोन्थाइ गैया नामा?
बेनि फिन लुबैयो बुहुनां सुबुंनिफ्राय।
- - - * - - -
-बिदिन्द्र बसुमतारी
भाथ'पारा,पानबारी,बिजनी। |
|
